5. mənim üçün metamorfoz çox əhəmiyyətli kitab olub. kafka cəmiyyət və ailə normlarına uyğun yaşamayan insanın taleyini gregor samsa timsalında çox gözəl yazıb. samsa həşərata çevrilərək öz ailəsinin gözündə evə pul gətirən, ailəsinə baxan insandan onların normlarına uyğun gəlməyən bir varlığa çevrilmiş, hətda ailə onun ölümünə sevinmişdi.

düşündükdə heç birimiz gregor samsadan fərqli deyilik. nəinki cəmiyyətin hörməti/qəbulu, hətda öz ailəmizin sevgisi belə onların normlarına uyğun yaşadığımız müddətcə etibarlıdır. işləməir deyə evdə əzilən oğullar, fərqli cinsi kimliyə sahib olduğu üçün rədd edilən övladlar, cinsiyyəti erkək deyil deyə ana bətnində həyatına son verilən döllər, ailənin istəmədiyi insanla evləndi deyə rədd edilənlər və s. etrafımıza baxsaq onlarla gregor samsa görə bilərik. heç kimin sevgisi qarşılıqsız deyil, atanın, ananın da. hamımız gregor samsa ola bilərik, bir səhər yatağımızdan nəhəng həşərata çevrilmiş olaraq oyana bilərik.